LOVER OG VEDTEKTER    BYRKNES SKULEMUSIKK

1.Organisasjon.
 Byrknes skulemusikk vart skipa i september 1980, og er knytt til NMF gjennom Sogn og Fjordane Musikkkrins

2. Føremål.
Byrkne skulemusikk har til føremål å fremje interesse for, og utøving av musikk blant medlemane, og medvirke til utvikling av sunne interesser og godt vennskap.

3 Oppgåver.
Byrknes skulemusikk skal

• Sørge for opplæring av korpsmedlemane i musikkteori, oppøve kompetanse på korpsinstrument og i samspel
• Arbeide for å framføre god musikk på heimstaden og elles.
• Når det er interesse for det, drive tilleggsaktivitetar som t.d. drillgruppe.

4.Medlemskap

• Opptak som aspirant i korpset vert vurdert av dirigent. Ved opptak må aspirantane forplikte seg til å fylgje dei lover som gjeld for korpset. Korpset krev skriftleg innmelding og utmelding
• Utmelding skal skje skriftleg om våren. I heilt spesielle tilfelle kan utmelding godtakast til andre tider. Skuldig kontingent skal vere betalt før utmeldinga kan godtakast.

5.Plikter.

• Utøvande medlemmar pliktar å møte til rett tid til korpsøving og oppdrag dersom ikkje gyldig grunn til fråvær føreligg. I tilfelle fråvær skal dirigent  varslast, om mogeleg i god tid på førehand.
• Medlemmane pliktar å halde utlånte instrument og anna utstyr i god stand. Føresette kan gjerast økonomisk ansvarleg for skøytelaus handsaming av eignelutane til korpset.
• I samband med dei ulike aktivitetane i korpset forpliktar medlemmane å lystre leiinga og instruktørane. Alle skal til ei kvar tid gjere sitt beste for at korpsverksemda skal verte til mest mogeleg glede.
• Den til kvar tid fastsette kontingent skal betalast i rett tid.

6. Kontingent.

• Storleiken på medlemskontingenten vert sett fast av årsmøtet.
• Kontingenten forfell til betaling kvart år innan oktober månad.
• Aspirantane betalar også kontingent der årsmøtet fastset storleiken.

7. Arbeidet i korpset.

• Korpset sine øvingar vil i hovudtrekka følgje skuleåret, med avbrot for juleferie, vinterferie, påskeferie og sommarferie.
• Korpset kan etter behov verte inndelt i fleire opplæringsgrupper, t.d. aspirantar, junior-korps, seniorkorps og drillkorps. Aspirantane vert rekna som utøvande medlemmar.
• Korpset skal ha ei tillitsmannsordning med ein tillitsvald for kvar 30 utøvande medlemmar.
• Ikkje-utøvande medlemmar av korpset har til oppgåve å sørge for det økonomiske grunnlaget for drifta av korpset.

8. Dirigentar/instruktørar.
Styret i korpset tilset dirigent og eventuelle andre instruktørar etter behov. Om ein av partane ønskjer det skal det opprettast kontrakt i høve til retningslinjene til NMF. Det skal føreliggje instruks for dirigenten og for instruktørane.

9. Årsmøtet.
Årsmøtet er det høgaste organet i korpset. Medlemmer som har fylt 15 år vert innkalla til årsmøtet, som kvart år vert halden innan utgangen av september månad. Innkallinga skal skje med minst to vekers varsel. Medlemmer som ikkje er fylt 15 år har tilgang til årsmøtet som observatørar, men har ikkje stemmerett og er ikkje valgbare.
Saklista skalinnehalde følgjande punkt:

• årsmelding
• Revidert rekneskap
• Budsjett for kommande år
• Kontingentar for utøvande og ikkje utøvande medlemmer
• Saker som vert lagd fram for styret
• Innkomne forslag
• Val av styre m.varamenn og revisor
• Val av valnemnd.

Medlemane i styret har ikkje stemmerett når årsmeldinga og rekneskapet skal godkjennast. Ekstraordinært årsmøte kan innkallast etter vedtak i styret eller når minst 1/3 av medlemane krev det.

10. Styret.

• Korpset vert leia av eit styre som består av leiar, nestleiar, skrivar, kasserar, styremedlem (korpsleiar) og to varamedlemar
• Leiar og varamedlemar er på val kvar år. Styremedlemar er valde for 2 år om gongen.
• Styremøte vert halde så ofte som det er naudsynt, men minst ein gong pr. månad utanom feriane. Styret kan fatte vedtak når minst 3 av medlemane er til stades. I Ikkje-fulltalige møte må saker verte avgjorde einstemmig for å vere gyldige. Ved dissens må sakene verte førelagd eit fulltalig styre. Dirigenten vert innkalla til styremøta utan stemmerett.
• Til støtte i arbeidet sitt har styret høve til å opprette ønska mengde  underkomitéar.

11. Oppløysing.
Oppløysing av korpset kan berre gjerast av 2 påfølgjande årsmøte, og må ha minst 2/3 fleirtal.

12. Vedtektsendring.
Endringar i desse vedtektene kan berre fattast på ordinært årsmøte, og må vere vedteke med 2/3 fleirtal.